أنا زعلان يا أدمين

أنا زعلان يا أدمين
و مش هرد على أي موضوع لنهاية الأسبوع و يمكن مخشش المنتدى لنفس المدة
و ذلك أعتراضاً على أني لقيت تعديلات كتيرة على ردودي
أنا مبكتبش كلام قبيح

ليه لا احنا مش عايزين اي عضو يمشي قولوا ماتعدلش رائي
من غير ماتزعل

اولا احنا ما نستغناش عنك يوم مش اسبوع يا مفترى وبعدين انت هاتعمل زى الزمالكاويه و لا ايه احنا بينا الحوار مفتوح و جمعنا حب فى الله ان شاء الله لا يفرقه تعديل فى رد و لا ايه؟
استعيذ بالله من الشيطان كده

يا صديقى الغالى أبو سيف إوعى تغيب و لو يوم واحد عن المنتدى إوعى تسيب بيتك و أهلك و ناسك و أنا بضم صوتى لصوت looklike
بس رجاءا لا تترك المنتدى و لو لنصف يوم .

يالا اكتبلنا دلوقتي انك مش مش هاتمشي مستنييييين احنا
مكتبتش يعني حاجة شكلك كدة مشيت

حيكتب حيكتب ... إستنى شويه .. هوه محضر موضوع كبير

دانتا العضو المميز يعني ادمين مش قصده هوا اكيد فهم غلط

ابو سيف ابوسيف اوه اوه

كل دا موضوع دا لو موضوع الشرق الاوسط كان خلص

ايه ده ايه ده

لالا ابو سيف ميعملهاش ويسيب المنتدى طبعا

واكيد عارف ان اى حاجه بيعملها الاشراف بتبقى لمصلحه المنتدى

ومن فضلك اخونا ابو سيف بلاش تسيب المنتدى ولو يوم واحد

يا افندم دا حضرتك عضو محترم ومميز والمنتدى ميستغناش عن حضرتك ومجهودك فيه

وبعدين المنتدي حلو وبجد تحس انك في بيتك الاهلاوي

معاكى حق يا هند

مش كده يا استاذ ابو سيف ؟

هوا مش بيرد ليه

مشكووووووووووور أبو سيف و مشكور كل الأعضاء اللى ردوا

أخى أبو سيف أنت تعلم أنه ،،لا يلفظ من قول إلا لديه رقيب عتيد ،، و أنا مش أقدر على زعلك لا إنت و لا اى حد من الأعضاء
بس فى شئ عايز ألفت نظرك ليه و هو إن أنا بتحاسب على أى كلمة أو موضوع أو صورة تعرض فى هذا المنتدى لأن أنا المسئول الأول عنه فأكيد حضرتك مش ترضى إنى أخد وزر على أى كلمة أو موضوع خارج
أنا مش بعيب فى شخصك و لا بشكك فى أخلاقك بس يمكن حرصى على أن يكون شكل المنتدى ملتزم و أسرى هو اللى بيخلينى أبقى حنبلى شويتين
أبو سيف إنت غالى علينا أوى أوى و أنا عارف إن إحنا كمان غاليين عندك و لو أنا مستقصدك و لا حاجة مش كنت إخترتك العضو المميز
و عموماً يا سيدى أنا بعتذرلك لو كنت دايقتك بأى تصرف أو أى حذف لكلمة من مواضيعك
و إرجع بقا عشان ندعى للأهلى سوا إنهاردة ده إحنا بنتفائل بيك و بسيف الأمور ده
مستنى ردك يا جميل

الشكر كل الشكر لأخواني الذين قاموا برد على موضوعي ( look_like - hazemsoliman - محمـــد نـديـــم - نونا ) و ربنا يعزكم على هذا شعوركم النبيل الذي أبدتوه تجاهي
أما بالنسبة لك يا آدمين فأنا متشكر لأهتمامك و نقل مقالتي من قسم ( مقالات أهلوية ) إلى قسم ( إقتراحات و شكاوى الأعضاء )
يقول الله تعالى في كتابه الكريم ( لا يضركم من ضل إذا أهتديتم ) و يقول تعالى ( و لا تزرو وازرة وزر أخرى)و يقول الله تعالى في سورة النساء مخاطباً نبيه ( لا تُكلّف إلا نفسُك ) لو كان الموضوع في وزر عليك ما كنت فعلته عامة أنا آسف جداً جداً بس و الله أنت فهمتني غلط و أعاهدك و أعاهد الله أن اكون حرصاً كل الحرص في ردوري و مقالتي بعد ذلك
البر لا يبلى و الذنب لا ينسى و الديّن لا يموت

لا شكر بين الأخوة يا أبو سيف و أنا مبسوط إن الزعل راح و إن انت تفهمت موقفى و رجعت تانى نورت منتداك

بس على فكرة مش أنا اللى نقلت الموضوع من قسم مقالات الأهلوية تقريباً حد من المشرفين ممكن يكون حازم او نونا مش عارف لحد دلوقتى و أى حد منهم عمل كدا كتر خيره بس يقولنا ان هو اللى نقل الموضوع
نورت يا أبو سيف

شكراً يا آدمين و صباح الفل

خلاص يا عم صافى يا لبن هوده سلوك المسلمين المتحابين فى الله بجد

شكراً لمتابعتك و أهتمامك يا حزوم

انت اخ و حبيب يا ابو سيف و مستنيين منه فضالى و لا رجعت فى كلامك

أبو سيف ميرجعش في كلامه أبداً
عاوز كام واحدة ؟

انت و شطارتك يا عمنا

اهو كده الكلام يا ابو سيف احنا كلنا اخوات

أنا فعلاً بحبك يا واد يا مادو زي أخويا الصغير و نفسي أشوفك حط صورتك مكان صورة بيكهام

و الله يا ابو سيف دلوقتى مش عندى صور ليا خالص
علشان كل شوية بفرمت الجهاز
اول لما احط صور انشاء الله هويرهالك