الشكاوي والاستفسارات والإقتراحات

هذا التوبيك ملك للأعضاء
يمكن وضع اي شكوى او اي اقتراح أواستفسار ليجاوب علية المشرفين علي القسم
tongue

اخوتى الأعزاء احب أن أخبركم

ان فى نتائج دور الثمانيه لكأس مصر
حصلت على 24 درجة وهذا مغاير للحقيقة
والصحيح أن أحصل على 16 درجة فقط
الرجاء التعديل لتصبح أختى رباب فى المقدمة كما هى

والله انا بشكرك يا استاذ وائل
فعلا شرقاوي ومعروف ان الشرقاوية حقانييين
انا اسف يارباب بس والله خطأ غير مقصود
ومكانك محفوظ في الصدارة
انا اسف مرة تانية للجميع
وتم تدارك وتصحيح الخطأ

Embarassed

مش غريبه الأخلاق الجميله من أبو عمر
bounce

والموضوع بسيط يا باشمهندس ما تضايقش نفسك
ربنا يكونك في عونك علي المجهود الكبير اللي بتعمله
Neutral

ثم أنا عارفه ان في النهايه نجم التوقعات هايكتسح هايكتسح
هو بس سايب الفرق الصغيره تفرح شويه لحد ما يستعيد القمه بتاعته
أهلاوي صميم (شويه نق كده علي الماشي جايز يجيب نتيجه)

أخواتى الأعزاء

من حقنا الطبيعى المطالبة بحذف توقع أخونا العزيز شريف الوقاد عن المباراة النهائية لكأس مصر لأنه توقع بعد نهاية المباراة وليس قبلها كما هو مسجل فى البيانات الخاصة بالتوقع حوالى الساعه 8.45 مساءا يوم المباراه والمباراةالساعه السادسه !!!.
لكن انا متنازل عن ذلك بطيب خاطر علشان حبيبنا شريف يبقى الأول
علشان تعرف كرم الشرقاويه وجدعنتهم
وماله تانى تانى مايجراش حاجه

طبعا ده كرم أخلاق غير عادى
لكن عادى ومتوقع من أخونا الشرقاوى الأصيل .. كرم شرقاوى بقى

لكن دقدق نبهنى للغلطة اللى غلطتها
واللى احب أأكد للكل إنها مش مقصودة
أنا كنت نسيت التوقع لأنى ملخوم شوية وحتى كنت ناسى معاد ماتش النهائى
وعرفت إنى توقعت والماتش شغال بعدها
اللى لخبطنى إنى مابيبانش عندى إن التوبيك مقفول .. لإنى بشوف كل التوبيكات مفتوحة بحكم موقعى

آسف للجميع .. وأشكرك على كرمك أخى وائل

لكن مضطر أرفضه .. القانون قانون
ولو أنا ما إحترمتوش .. يبقى بدعو كل الأعضاء لعدم إحترامه

مبروك لك يا ملك التوقعات ومبروك للخبيرة المميزة رباب

وشكرا للمشرف المميز دقدق

لا يا شريف باشا انا اتنازلت فى الشهر العقارى وعن طيب خاطر وأنا سعيد بذلك

وأنا بهزر معاك مش اكتر

بص فى أعلى الصفحة وإنت تعرف ردى يا نجم التوقعات
ماتحرمش من ذوقك وكرمك يا شرقاوى يا أصيل