ندى بدأت رحلة العذاب والضنى

ندى بدأت رحلة العذاب والضنى
وحطت رجلها على أول درجات سلم الكفاح
دخلت KG1 .. وطبعا لصغر سنها خربت بيت أبوها علشان مدرسة ترضى تقبلها

ودى صورتها بلبس المدرسة
تحسوا إن البنت .. محكوم عليها بالتعليم
ندى بدأت رحلة العذاب والضنى 20081010

قمر قمر قمرررررررررررررررَ
واحلوت جدااااااااااااااااااا ربنا يخليهالك ويباركلك فيها وتشوفها احسن الناس يا رب هيه ومحمد طبعا

ايه ده القمر ده

بسم الله ما شاء الله

انا اول مره اشوف التوبيك ده

ايه ده يا مايسترو ما شاء الله عليها ربنا يخليها ويحرسها يارب

عقبال يارب لما تصورهلنا وهى بلبس الكليه وبالبالطو الابيض يارب

أم سيوفه كتب:: قمر قمر قمرررررررررررررررَ
واحلوت جدااااااااااااااااااا ربنا يخليهالك ويباركلك فيها وتشوفها احسن الناس يا رب هيه ومحمد طبعا

ربنا يخليلى حلاوة لسانك ومايحرمنيش من ذوقك العالى يا حماة بنتى يا غالية
إبسطى يا ندى .. حماتك راضية عنك
ربنا يحميلك زوزا وسيوفة ويحفظهم ويبارك فيهم إن شاء الله
نورتينى بزيارتك وردك الجميل يا أم الأمامير

لا حول و لا قوة الا بالله كل الابناء محكوم عليهم بالتعليم و الاباء محكوم عليهم بالخراب

معلش يا مايسترو عقبال لما تفرح بيها و هى لابسه روب التخرج ان شاء الله

و مفيش فايده حتى و هو مبوزه كده قمرررررررررررررر 14 ربنا يبارك فيها هى و محمد

سندريلا كتب:: ايه ده القمر ده

بسم الله ما شاء الله

انا اول مره اشوف التوبيك ده

ايه ده يا مايسترو ما شاء الله عليها ربنا يخليها ويحرسها يارب

عقبال يارب لما تصورهلنا وهى بلبس الكليه وبالبالطو الابيض يارب

ربنا يخليكى يا سندريلا

ماتحرمش من ذوقك العالى ودعواتك الجميلة

وبالطو أبيض مرة واحدة .. يا خوفى ليطلع بالطو إقتصاد منزلى .. أو تمريض

شرفتينى بزيارتك الجميلة ودعواتك الرقيقة يا سندريلا المنتدى المحبوبة

وعقبال ما نشوف صورتك بالفستان الأبيض .. وصور أولادك إن شاء الله منورة المنتدى

hazemsoliman كتب:: لا حول و لا قوة الا بالله كل الابناء محكوم عليهم بالتعليم و الاباء محكوم عليهم بالخراب

معلش يا مايسترو عقبال لما تفرح بيها و هى لابسه روب التخرج ان شاء الله

و مفيش فايده حتى و هو مبوزه كده قمرررررررررررررر 14 ربنا يبارك فيها هى و محمد

أكيد طبعا إنت أكتر واحد هنا حاسس بيا يا زعيم
ماتحرمش من إحساسك العالى ومجاملاتك الرقيقة ودعواتك الجميلة يا جارى الحبيب
عقبال ما نشوف صور فرح أحمد ومريم وسما .. وتفرح بأولادهم بإذن الله
نورتنى بزيارتك الجميلة وردك الأجمل يا بو الشمس والقمر والسما اللى منورين المنتدى

ما شاء الله علي القمر دي
زي العسل وجميلة جدا واحلوت جدا جدا جدا والبوز المحترم ده لذيذ قوي
ولبس المدرسة روعة عليها عقبال ما تشوفها بفستان الفرح
ربنا يخليهالك ولمامتها يا رب
ويقويكم علي المصاريف والمذاكرة لها

زي العسل ياخواتي

ايه دا قمرررررررررررررررررررررررررررررر

ربنا يخليهالكم يارب وتفرحوا بيها

ما شاء الله عليها يا شريف زى القمر..وكدة هاتخلينى افكر اتقدملك واطلب ايديها يا عمى ونضرب بقى زومبة فى سيف Very Happy

.وعلى فكرة انا جاهز من مجاميعه.بس واللهى فكرتنى فى الصورة دى بايام حلوة نفسى ارجعلها تانى .وماتقلقش البوز دا مش هايستمر وهاتحب الحضانة لانها هتلاقيها كلها لعب وحاجات حلوة ان شاء الله..ربنا يخليهالك.

ROBOS كتب:: ما شاء الله علي القمر دي
زي العسل وجميلة جدا واحلوت جدا جدا جدا والبوز المحترم ده لذيذ قوي
ولبس المدرسة روعة عليها عقبال ما تشوفها بفستان الفرح
ربنا يخليهالك ولمامتها يا رب
ويقويكم علي المصاريف والمذاكرة لها

ربنا يخليكى ويخليلى ردودك الجميلة يا رباب
عقبال مانشوف صور فرحك وصور أولادك منورة المنتدى
وأفرح فيكى .. قصدى بيكى ساعتها وإنتى بتحاولى تسكتيهم ومش عارفة
نورتينى بزيارتك الجميلة وردك الأجمل وحلاوة لسانك المعتادة خبيرتنا الجميلة

look_like كتب:: زي العسل ياخواتي

ايه دا قمرررررررررررررررررررررررررررررر

ربنا يخليهالكم يارب وتفرحوا بيها

العسل ده ردك يا هند
ربنا يخليكى ليا يا دينامو ونشوف صور فرحك وأولادك إن شاء الله
ماتحرمش من ذوقك الجميل وردودك الأجمل يا دينامو المنتدى

abdelrahmaaan كتب:: ما شاء الله عليها يا شريف زى القمر..وكدة هاتخلينى افكر اتقدملك واطلب ايديها يا عمى ونضرب بقى زومبة فى سيف .وعلى فكرة انا جاهز من مجاميعه.بس واللهى فكرتنى فى الصورة دى بايام حلوة نفسى ارجعلها تانى .وماتقلقش البوز دا مش هايستمر وهاتحب الحضانة لانها هتلاقيها كلها لعب وحاجات حلوة ان شاء الله..ربنا يخليهالك.

إحم إحم إحم .. والله يا عبد الرحمن يا إبنى .. البنت مخطوبة
لو إنت قد زعل أم سيوفة يا عم .. أنا مش قده
وبعدين سيف قدم لها الشبكة خلاص .. حوالى 4 كراتين شيبسى و3 كراتين شيكولاته
وافتكر كان فيه بيبسى ولبان لكن أمه وخالته خلصوهم
ربنا يسمع منك يا عبد الرحمن والبوز ده يروح لأنه لسة مستمر لحد النهاردة
ماتحرمش من ذوقك الجميل يا فنان وغقبال صور فرحك وتجيبلنا فنانين صغيرين نفرح بيهم إن شاء الله

الف الف مبروك و عقبال البكالريوس و يكون من الجامعه الامريكيه علشان بابا يعلن افلاسه

ماشى يا هانى .. طيب خليك فاكرها
الله يبارك فيك يا بو ملك العسولة
وعقبال مانبارك لملك وهى راجعة بالشهادة من بلاد برة
وبرضه على حساب بابا

إيه الحلاوه دى

ربنا يخليهالك وتشوفها بالبالطو الأبيض فى كلية الطب ان شاءالله

ما شاء الله زى القمر وعسل خالص
واكيد هتكون شاطرة فى المدرسة مهو بيبان
يا رب يخليهالكم يا رب ويباركلكم فيها يا رب

wael_fathalah كتب:: إيه الحلاوه دى

ربنا يخليهالك وتشوفها بالبالطو الأبيض فى كلية الطب ان شاءالله

دى حلاوة لسانك يا شرقاوى يا أصيل
ماتحرمش من ذوقك العالى ودعواتك الجميلة يا بو عمر العسول
عقبال مانفرح بصور تخرج عمر وفرحه وأولاده وتحطهالنا بإيدك أخى وائل بإذن الله

زهرة العلا كتب:: ما شاء الله زى القمر وعسل خالص
واكيد هتكون شاطرة فى المدرسة مهو بيبان
يا رب يخليهالكم يا رب ويباركلكم فيها يا رب

ربنا يخليكى يا زهرة منتدانا وفريقنا العطرة
ماتحرمش من ذوقك ودعواتك ولسانك اللى بينقط عسل
بس أرجوكى تعلمينى .. بيبان إزاى ومنين بالظبط .. لأنى شاكك فى الموضوع ده
عقبال مانشوف صور فرحك وأولادك منورة المنتدى ومفرحة قلوبنا إن شاء الله

بسم الله ما شاء الله
ربنا يحرصهالك
ربنا يجعلها سبب في دخولك الجنة
ربنا يحفظها
كل يوم عن يوم بتفتحوا نفسي علي الجواز
وعقبال يا شريف لما نحضر كلنا يوم تخرجها من AUC باذن الله

DokDok80 كتب:: بسم الله ما شاء الله
ربنا يحرصهالك
ربنا يجعلها سبب في دخولك الجنة
ربنا يحفظها
كل يوم عن يوم بتفتحوا نفسي علي الجواز
وعقبال يا شريف لما نحضر كلنا يوم تخرجها من AUC باذن الله

الله على دعواتك الجميلة يا دقدق
ربنا يخليك ويكرمك ويهديك للى تصون بيتك وتسعد نفسك
ياللا بقى شد حيلك علشان أحطلك توبيك المباركة بالفرح بإذن الله
وعقبال مانشوف صور أولادك منورة قسم الناشئين إن شاء الله يا محمد
ماتحرمش من ذوقك ودعواتك الرقيقة يا شعلة النشاط الأهلاوى الجميل

اية ده اية ده اية ده انا اخر وحدة يالهووووووووووووووووووووي
معلش يا مايسترو والله اول مرة اخش القسم ده دلوقتي والله من فترة طويلة
معلش انا اسفة جدا وبقت زي القمر ندي ما شاء الله بجد وفكرتني بايام مش من زمان اوي والله كانت من 8 سنين تقريبا وكنت مش فاهمة حاجة ومش عيزة اسيب ماما خالص بس بعد كده بقيت مش عيزة اسيب صحابي ولحد دلوقتي ربنا يخلهالك يا مايسترو
وياريت متكنش زعلان مني Embarassed

ولا يهمك يا عصفورة شعورك واصل من غير ما تقولى
أنا عمرى ما أزعل منك يا عصفورة
طمنتينى كده الحمد لله
وهى فعلا بدأت خلاص تندمج مع المدرسة وتزعل لما تغيب
نورتينى بزيارتك الجميلة يا أخت ندى الكبيرة
ويا رب أشوفها فى أخلاقك وذكائك يا نوران

ههههههههههههههههههههههههههههه
بتفكرنى باخواتى الصغيرين هما كانوا بيحبوا الحصانه مووووت لكن لما راحوا المدرسه مش عارفه ايه اللى حصلهم يالا ربنا يهدى عمرنا مكنا كدا ابداااااا
ههههههههههههههههههههه
بس البنت ماشاء الله عليها زى القمر والسكر والعسل وكل حاجه حلوة الله عليها بجد ربنا يباركلك فيها وتشوفها ان شاء الله دكتورة حلوة وعروسه قد الدنيا ودايما مشرفاك
ربنا يباركلك اخى فى كل ما تملك