الخلافات الداخلية قد تكون هي اللغز

تجميد مستحقات لاعبي الأهلي وربط عودتها بالفوز على ديناموز
لجنة الكرة تستفسر عن حقيقة وجود انقسام بين اللاعبين.. و'شادى' يدعو زملاءه للمصالحة

[ندعوك للتسجيل في المنتدى أو التعريف بنفسك لمعاينة هذه الصورة]

تتجه النية لدى مسؤولي لجنة الكرة بالنادي الأهلي لتجميد المستحقات المالية للاعبى الفريق الكروي الأول بسبب سوء نتائجهم فى المباريات الأخيرة وفقدانهم خمس نقاط فى بداية مشوارهم ببطولة الدوري فضلا عن تواضع أدائهم فنيا.

ووفقا لـ'حسام البدري' مدير الكرة والمدرب العام فسوف يجتمع الأخير مع 'مانويل جوزيه' المدير الفني لبحث هذا القرار.

وعلمت 'بص وطل' أن لجنة الكرة تعتزم ربط إلغاء العقوبات المالية بمباراة ديناموز هراري المقرر لها يوم السبت المقبل فى الجولة الرابعة من دور الثمانية لبطولة دوري رابطة أبطال أفريقيا وفي حالة تخطيها بنجاح سيتم رفع العقوبات أما في حالة حدوث ما لا تحمد عقباه ستستمر لحين تحسن النتائج.

وكان مسئولو اللجنة قد أبدوا انزعاجهم من تراجع الأداء والنتائج مما قد يعرض الفريق للخطر سواء فى بطولة الدوري العام أو البطولة الأفريقية وطلبت اللجنة من 'حسام البدري' تقريرا مفصلا عن الأسباب التي أدت لهذا التراجع رغم توفير الإدارة كل الدعم للفريق سواء بإبرام صفقات متميزة لتدعيم صفوفه أو إقامة معسكر إعداد خارجي فى ألمانيا لتجهيز اللاعبين للموسم الجديد.

ووفقا لمصدر مطلع بمجلس الإدارة رفض ذكر اسمه فإن مسؤولي اللجنة طلبوا من 'البدري' تفسيرا واضحا للمعلومات التي وردت لهم بخصوص وجود انقسام داخل صفوف الفريق بين اللاعبين إلى معسكرين أحدهما معسكر أبناء الإسماعيلي السابقين والآخر معسكر أبناء الأهلي من قطاع الناشئين.

وصرحت بعض المصادر بأن النتائج السيئة التي حدثت أكدت بما لا يدع مجالا للشك وجود خلافات داخلية بالفريق بين اللاعبين بعضهم البعض عكس ما كان يحدث فى المواسم السابقة عندما كان الحب هو المسيطر على الجميع فكانت الانتصارات والبطولات.

يأتي هذا في الوقت الذي عقد فيه اللاعبون اجتماعا بينهم قبل بداية المران أمس بناء على طلب 'شادي محمد' كابتن الفريق لبحث أسباب التراجع بل وعمل نوع من المصالحة الداخلية بينهم لتنقية الأجواء وإعادة الحب والوئام المفقود بين اللاعبين والذي أثر بالسلب على المستوى العام للفريق.

وخلال الاجتماع تعاهد اللاعبون على بذل قصارى جهدهم خلال المرحلة المقبلة لتعويض الإخفاقات السابقة والتكاتف مع بعضهم البعض.

إياد طارق

مع عدم ثقتي في إياد طارق للي دائما يفبرك أخبار عن النادي الأهلي بس ممكن فعلا يكون فيه انقسام بين اللاعبين....و بالمناسبة لو الكلام ده صحيح يبقى أحمد حسن ده يغور في داهية و مش عايزين نشوف خلقته في وسطنا بلا أحقاد و أنانية لأن ده مرفوض تماماً في نادينا الحبيب اللي احسن حاجة بتميزه هي الحب بين اللعيبة

انا معتقدش يا دكتور ان تبقى فى مشكله لان النادى عمره ما يسمح بده ابدااااااا من اى لاعب مهما كان اسمه وتاريخه واعتقداى لا وجود للخلافات
والله اعلم
ميرسى للمتابعه يا دكتور

حقيقى شئ يحزن لما نسمع ان ده بيحصل فى فريقنا المستقر
حتى لو ده مشكوك فى صحته اعتقد ان مفيش دخان من غير نار
يعنى اكيد فى خلافات بردو و لو بسيطة

شكرا لمروركم الجميل سندرلا و ريسنا المؤيد

لو فيه انقسام ما اعتقدش يبقي معسكر الاسماعيلي والأهلي اعتقد والله أعلم انه أحمد حسن واللاعيبة القدام
السبب في رأيي ده مشهد اتكرر كذا مرة في كل ماتش للأهلي من بداية الموسم وهو مشهد جوزية بينادي علي أحمد حسن ويعطي له تعليمات وكمان البدري بيعمل نفس الحكاية
في عدد مجلة الأهلي الاسبوع اللي فات أحمد حسن أكد بنفسه علي الحكاية دي أنه جوزية والبدري بينادوه ويقولوا له تعليمات ينقلها لباقي اللاعيبة وأن البدري بيناديه من علي الخط ويطلب منه توجيه الفريق في الملعب ويقوله كلم الناس يا أحمد هديهم أو سرع ادائهم
مش ده دور الكابتن ولا ايه ؟؟؟؟؟؟؟؟؟؟؟؟؟؟؟
جايز يكون اللاعب نفسه ملوش ذنب في مشاعر الغيرة عند باقي اللاعيبة خصوصا شادي لكن بيتهيألي هم معذورين والجهاز الفني كمان معذور لأن ياشوف أحمد حسن قائد في الملعب من غير ما يتكلم ومؤثر جدا علي مستوي الفريق وكاريزما القيادة دي حاجة من عند ربنا

فعلا اقرب تفسير للمستوى السىء دا هو حالة من الغيرة والكراهية اللى منتشرة فى الفريق ودا بسبب اللعيبة الكتير اللى الأهلى جابهم وكلهم من النجوم. ودى حاجة حذرنا منها كتير قبل التعاقد مع كم اللعيبة الكتير دول.

Admin كتب:: حقيقى شئ يحزن لما نسمع ان ده بيحصل فى فريقنا المستقر
حتى لو ده مشكوك فى صحته اعتقد ان مفيش دخان من غير نار
يعنى اكيد فى خلافات بردو و لو بسيطة

لا صدقني مع الاعلام المصري في دخان وكمان حتى في نار من غير نار ، الكلام دا واضح انه فبركة في فبركة حضرته عرف منين ان حسام البدري منتظر جوزيه عشان يوقفوا مستحقات اللاعبين بعدين هو يعني البدري ما بيقابلش جوزيه كل يوم عشان كدا منتظره ، بعدين معسكر اسماعيلي ايه وابناء ناشئين اهلي ايه واضح جدا ان كلمة معسكر اسماعيلي دي مقصودة بعدين احنا لاشفنا لاعب اتخانق مع زميله ولا لاعب بيتعمد عدم التمرير لزميل له بالعكس اغلب لاعبي الاهلي الحمدلله محترمين واخلاقهم عالية وبيبان دا في حواراتهم الاهلي لا يسمح بهذا الكلام ابدا عايزين تعرفوا فين اللاعبين متمردين ومنقسمين روحوا شوفوا الزمالك شوفوا جمال حمزة عمل ايه بعد مانزل بديل لاجوجو وشوفوا مصطفى جعفر عمل ايه اليوم دا التمر والانقسام بجد ،ياجماعة مش عايزين ناس تضحك علينا وتقلبنا على الفريق بالباطل صح الاهلي وحش وبيمر بأسوأ مستوياته بس دا مش معناه ان اي حد يطلع يخرف ويفبرك اي كلام نصدقه ، الصح ان الجماهير تروح الاستاد وتملاه وتشجع اللاعبين اما يحصل زي اللي حصل في مباراة الاتفاق والجماهير تشتم اللاعبين فدا ما يصح ابدا

انا مع كلام وائل جدا يا جماعة دول ناس شافوا الكبير وقع فالكل عايز يكسب من وراه وعايز يشارك في توقيعة اكتر واكتر بس باذن الله مش هنديهم الفي بالهم
عبد الرحمان اسمحلي بقي اقول حاجة بس اوعي تزعل انا حسيتك في ردك ان متناقض احنا اه حذرنا من كثرة النجوم بس بردوا قلنا انها حاجة اساسية في الفريق وكنا بنزعل المواسم الفاتت لما الاهلي مبيجبش نجوم اول ما جاب يبقي احنا حذرنا ومينفعش وكده وبعدين هو انتوا والكلام لكل الاهلوية اي حاجة تتقال عن الاهلي نصدق علي طول عيزة اسال سوال هو اية الحصل للمنتدي ده فين روح الاهلاوية ؟!سوال بيطرح نفسة

الكلام دة بالعقل و المنطق لا اساس لة من الصحة اطلاقا و ان كان فى مشاكل فهتكون بسبب احمد حسن الى لازلت مع انة مش مكانة الاهلى بالرغم من نجوميتة و انة كابتن مصر
سر ابو تريكة مبحبش يلعب تحتة احمدحسن لان احمد بطبيعتة بيحب الفزلكة مع انة مش حريف و لاحظنا ان ابو تريكة فى ماتش المقاولين دخل و ادارى جوة ال 18 بالرغم ان دة مش دورة و لو كان خرج وشغل زمايلاية يمكن كانت النتيجة افضل
اعتقد انة موضوع اسلام الشاطر الى انا مختلف فية مع مانويل تماما لة اثر حتى و لو سلبى على بعض الاعبين و خاصة بركات

شكرا للجميع مرورهم الجميل

كلام طبعا متفبرك وليس له اي اساس من الصحة والبدري بنفسه صرح وقال محصلش
الكلام ده ومفيش قرار بوقف المستحقات ولا حاجة اما عن موضوع الخلاف فالحق كل الحق مع الجهاز الفني لان شادي لا يصلح لشارة الكابتن لانه شخصية غير قيادية وعلى طول قرفان وقالب وشه في الملعب وحتى لو فيه خلاف اعتقد ان البدري قادر على السيطرة على الموضوع

شكرا دكتورنا على الخبر وتقبل مروري

شكرا لمرورك الجميل د محمد