محاولات لتجهيز شادي لديناموز وعقاب سمير

مفيش فايده خلاص اللاعيبه شبعت

شوية أمل يا كوجاك
كفاية النكد اللي نكدوه علينا البهوات

وانا شايف كدة برضو يا كوجاك مافيش فايدة

ايه الكلام مفيش فايدة ايه وبتاع ايه انتوتا اتعتدوا من جمهور الزمالك

بس محمد سمير مش من اولها غرامات كده
يعني طرده هو سبب التعادل
ولا هو مش قادر علي الحمار

اتفق معاك طارق ورباب ان في امل وان دي ليست نهاية المطاف ونما هي كبوة لكن احنا بنعرض حلول عشان تصليحها وده مش معناه الياس وانما محاولة الاصلاح

واتفق ايضا معاك دكتور مراد فعلا عبد الرحمن مزودها حبتين وصابب كل غضبه على جوزيه وكان اللاعيبة يعيني ملايكة وجوزيه هو اللي شيطان مع احترامي ليك يا عبد الرحمن 80% من المستوى ده بسبب اللاعيبة واتفرج عليهم الكام سنة اللي فاتت هات ماتشات قديمة وتابعهم وانت تعرف انه روحهم هي الحاجة الوحيدة اللي اتغيرت وبردو مش معناه انهم يمشوا لكن لازم يعدوا نفسيا من اول وجديد

باشمهندسنا الموضوع مش موضوع محمد سمير دي لايحة يا زعيم داخلية في النادي الاهلي ان اي لاعب ياخد كارت احمر غرامة 10000 جنيه والانذار 5000 او اقل وفي حاجة اسمها استثناء من العقوبة بس دي في حالات معدودة وفي ماتش زي المقاولين العملية مكنتش محتاجة يعني الشوط التاني انت كنت بتلعب في ملعبهم

شكرا رباب على المتابعة الحصرية وتقبلي مروري

يا جماااااعة انا مش يائس ولا متشائم انا بحكم على اداء فريق واداء مدرب ..بقى بالذمة اداء اللعيبة دى يبشر بالفوز بأى بطولة؟؟ بالذمة دا فريق 2005 ولا دا مدرب 2005 اللى ما خسرش ولا ماتش فى الدورى؟؟ ياريت ماتعشموش نفسكم اوى بأن الأهلى كويس وهو اساسا زى الزفت.. الا اذا اتحسن فعليا وبقى يكسب بجد.. يا جماعة اللى ودا فريق الزمالك فى داهية غير عدم الاستقرار الادارى انهم حسوا ان جماهيرهم مسانداهم على طووووول الخط كسبوا خسروا بيخرجوا من الماتش يقولوا مش مهم المكسب اهم حاجة الأداء المشرف فاللعيبة بتطرمخ ومابتلعبش.. على اخر الزمن هانرضة باداء اللعيبة ونقول دا احنا لعبنا حلو وضيعنا فرص ومش مش مهم المكسب !!!!! يارييييت شوية تفكير فى كلامى دا

لا يا دكتور مراد انا عمرى ما غيرت كلامى ولا بنسى كلامى انا اللى بقوله دلوقتى هوهو اللى قلته امبارح واللى بقوله من ساعة الفريق ما بقى زى الزفت يعنى مافيش تغيير كلام بس انا لاحظت ان فى هجوم عليا عشان بنتقد الفريق والمدرب مع ان كل الأهلاوية شايفين اللى انا بقوله.وفى الاخر انا نفسى الفريق يرجع زى ما كان واحسن وصعبان عليا اشوفه كدة وبالذات ان الفريق بقى منجم لعيبة وبقى احسن من منتخب مصر.

يا جماعة ده الاهلي بردوا يعني حتي لو وقع هيقدر يقوم تاني لازم يبقي عندنا ثقة في كده يا اهلاوية عيب اوي كده شمتوا فينا الجمهور الزملكاوي

طبعا احنا متفقين يا دكتور مراد لأننا فى الاخر اهلاوية ويهمنا مصلحة الفريق والاختلاف فى الرأى لا يفسد للود قضية بس برضو انا عند رأيى ان مانويل جوزيه هو اللى بيتحمل النصيب الأكبر من الأداء المتذبذب دا لانه هو اللى بيعتمد على اسماء معينة بالأسم حتى لو كانت وحشة اومش فى مستواها فلازم يتدلعوا ويلعبوا بنوع من الرعونة لأنهم من الاخر ضامنين مكانهم والناس دى مثلا حسام عاشور انيس فلافيو عماد متعب قبل ما يسافر وساعات ابو تريكة.فهو لازم فعلا يلاعب البدلاء اللى لسة جايين جديد الأهلى لانهم لسة عايزين يقدموا حاجة للنادى الأهلى وماتنساش ان قمة النادى الأهلى ايام ما كان لسة ابو تريكة وبركات وفلافيو والنحاس جايين جديد للأهلى وعايزين يعملوا حاجة.وحصل خير

يا عبود غصب عنه مش بايده مهو يا زعيم ملتزم بقايمة افريقية يعني يقعد المقيدين ويلعب اللي مش مقيدين وييجي في افريقيا يلاقيهم مش مستواهم هو بيعمل الصح كون ان اللاعيبة بتدلع دي مش مشكلته هو الحاجة الوحيدة اللي تعيبه التشكيل واظن انه في الشوط التاني في المقاولين عمل اللي احنا عايزينه وبردو ماجابوش

يللا ربنا يوفقهم وان شاء الله كبوة وكله يفوق

الشرف لينا يا رباب
والي الامام باذن الله

شكرا ليكوا كلكم ولكل اللى ناقشونى دكتور مراد ومحمد شبانة ابو حميد وكل الناس الأهلاوية حبايبى واللى مهما اختلفنا فاحنا برضو مجتمعين ومتفقين على حب الأهلى .

انا كسبت اخوات كتير في المنتدي هنا
يارب يديم المحبة بينا
شكرا يا عبده