ممكن تغيير بسيط في المنتدي يا شاذلي

عند تحميل الصفحة بتظهر صورة عيد ميلاد المنتدي مقسمة علي اربع اجزاء
ياريت يا ادمن لو تقدر تخليها صفحه واحده بكامل مساحة الشاشة هتكون اشيك بكتير
ووحشتنا يا ريس
هي العروسة وخداك مننا ولا ايه

انت واحشنى اكتر و الله يا محمد
و ببقا سعيد جداً بنشاطك الكبير ده
بالنسبة للخلفية بتاعة عيد ميلاد المنتدى بتظهر متكررة أو غير مكررة حسب مساحة الشاشة اللى عندك و كمان حسب الresolution اللى انت مظبط عليه الشاشة بتاعتك
يعنى جرب كدا تغير الـ resolution بتاع الشاشة او تقعد على شاشة 15 بوصة هتلاقى صورة الخلفية بقت مرة واحدة بس
بس بردو هحاول اسأل اللى بيفهموا فى الموضوع ده اكتر منى لعل و عسى يبقى ليها حل
عشان مش نتعب عيوتك الجميلة يا محمد
على فكرة انا مش بتواجد كتير فى المنتدى لأن عندنا ضغط شغل الأيام دى و انت عارف بقا موسم الصيف شغله كتير و كمان قبل رمضان ما ييجى
أشكرك يا محمد على المتابعة

الله ينور يا ريس
وربنا يوفقك ويعينك علي الشغل
هحاول اعمل اللي انت قلتلي عليه وربنا يسهل
وبالنسبة لعيوني فدا المنتدي والناس الحلوة اللي فيه